Lettera “Napoletana”

Ai Patrioti Napolitani

*** *** *** ***

Cara Cuncettina,

forse chisto è l’urdeme scritto mijo. Spero ‘e no. ‘O capitano nce ha ditto ca sarrà difficile da oggi mandare lettere. Dimane nce sarrà nu combattimento gruosso e ‘o Re starrà cu nuje. Te scrivo pecchè si m’accideno te voglio dicere l’urdimi ccose.

Nun chiàgnere Cuncè. Spiècace a ‘e figli nuoste ca ponno vivere int’ ‘o Regno pure p’ ‘o sacrifizio d’ ‘o pàte lloro, pecchè nuje a ‘o Re nuosto nun l’avimme abbandunato.

Furtunato Garigliano è muorto c’ ‘o tifo, dincèllo a Custantina ma ha combattuto comme a nu lione. ‘O ferètteno ma rimanette a ‘o piezzo tutt’ ‘o juorno. A ‘o spitàle Santa Caterina nc’è stà ‘o tifo e ne so muorte assaje chiù d’ ‘e cannunate e pe’ strade se vedeno cataveri tuorne tuorne. Ma nuje nu’ nce arrennìmme, nun simme traditùre e vulimme bene a ‘o Re e a chella santa d’ ‘a Riggina. E vulimme bene pure à terra nosta.

‘A vota passata nun t’haggio mannàte niente pecchè ‘e sorde so fernùte e ‘o Re nuosto nu’ nce po’ dà ‘a paga. Ma nuje nun ‘o putimme abbandunà e addifendimme Gaeta e ‘o Regno nuosto pe’ piccirilli mije e pe’ tutte ‘e napulitane. Dincèllo a Salvatore Troise ca ‘o pavàmme ‘o mese ca trase, ‘a paga t’ ‘a mannarrànne pure si ije moro. Nce l’ha prummìse ‘o Re.

Ije nun l’haggio capito pecchè ‘sti stranieri vonno ‘a terra nosta. Pecchè vonno mettere natu re, nu piemunteso, quanne nuje tenimme ‘o Re nuosto e ‘a Riggina nosta. ‘A Riggina Maria sofia è na santa, pare pur’essa n’artiglièra, sta vicino a ‘e surdate ca mòrono e nun se mporta proprio d’ ‘e cannunàte, pare ca a essa nun ‘a còglieno, fa niente ca è bavara ma tene nu core napulitano.

Cuncè, si moro, moro p’ ‘o re nuosto e p’ ‘a terra nosta e Pascale tuje s’è fatte onore, Cuncè dincèllo ai piccirilli ca papà ‘e vvò bene.

Amatissimo tuo Pasquale.

Gaeta, 21 gennaio 1861

dal romanzo dell’amico Bruno Santamaria “L’ultimo assedio”

Lettera “Napoletana”ultima modifica: 2011-02-15T18:51:00+01:00da tonyan1
Reposta per primo quest’articolo

Lascia un commento