Nuje sule!

Di Alessandro Pellino, per il Fronte di Liberazione della Napolitania (FLN):

C”a voce d’ ‘o core
ringrazziamme ‘o Signore,
cu’ ll’uocchie ‘e ll’ammore
priamme ‘o Salvatore.

‘Sta terra straziata,
‘sta genta scarpesata
morta ‘e famma e schifata 
fino a quanno è nata
nun se scorda d’ ‘o passato

Quannu tiempo ca é passato,
‘o Sebeto s’é asciuttato,
Ferdinando, ‘o Re nasone,
d’ ‘a famiglia de’ Burbone
so’ duje secule ca é muorto.

‘A Capemonte nfine ‘o puorto
chesta voce ca tu siente
e ca te pare ‘nu lamiento
é sulo l’inno ‘e ‘sti guagliuni
scaveze, annure e diune.

Simme chilli d’ ‘a speranza
ca guardammo sempe annanzo
ca campammo sotto ‘o sole
c’é rimasto chesto sulo.

Chesta é Napule c’aiza ‘a capa
chesta é Napule ca s’é scetata!
E ‘sti mmane, caro amico,
songo bbone p’ ‘a fatica,
songo orgoglio e sufferenza
pecché a nuje nisciuno penza.

Nuje sule!ultima modifica: 2012-03-03T22:54:01+01:00da tonyan1
Reposta per primo quest’articolo